Det kan vere krevjande å gje og få tilbakemeldingar på eit arbeid enten du er elev eller lærar. Samstundes er denne vurderinga ein naudsynt og viktig del av læringsprosessen. Men korleis kan ein lærar korrigera og gje tilbakemelding utan at mottakaren oppfattar det personleg eller belastande?

Formativ vurdering og tilbakemelding skapar eit felles fokus om kva som kjenneteiknar kvalitetar ved eit arbeid. Ved å beskrive kvalitetar ved eit arbeid med eit positivt forteikn kan ein unngå det som kan oppfattast som sårande eller snille kommentarar utan potensiale til forbetring. Å skapa ein god kultur for vurdering for læring er difor sentralt i all klasseleiing.

Å lage ein tilbakemeldingspraksis for vurdering basert på faglege kriterium kan vere eit skritt på vegen mot ein god formativ vurdering i klasserommet.

Eigenvurdering er også ein viktig del av vurderingsarbeidet, slik Ann Karin snakka om i intervjuet du såg på forrige side. Vi har her laga to skjema som er førebudd for utfylling på maskin, men som sjølvsagt også kan brukast til utfylling for hand.

Tilbakemeldingsskjemaet To stjerner og eit ønske kan også brukast til eigenvurdering.

Eigenvurderingsskjemaet vi har laga, kan tilpassast slik at det passar for den oppgåva du har laga til dine elevar. Her viser vi ein mal som kan redigerast. I 2.3.1 skal du fylle ut eit skjema vi har laga for vurdering av eigen praksis som klasseleiar. Då ser du eksempel på korleis skjemaet kan tilpassast etter formålet.

Vi har laga ei rettleiing på korleis du kan lage skjema for utfylling i Word sjølv. Det finn du her: Korleis lage eit skjema i Word for utfylling

[pfdk-tips]

Når du skal laste ned ei fil frå ein nettstad, kan det hende du må trykkje på nedlastingspila i nettlesaren for å finne den:

Eigenvurderingsskjemaet vi har lagt inn her, kan du sjølv redigere som du vil. Hugs at når du skal sende det til elevane dine for utfylling, må du avgrense redigering slik at dei berre kan fylle inn i tekstboksane. Dette står det meir om i rettleiinga.

Her er skjemaet, klikk på bildet, så opnar fila seg.

Skjemaet To stjerner og eit ønske kan brukast både til eigenvurdering, kvarandrevurdering og tilbakemelding frå deg som lærar. Her har vi laga skjemaet for utfylling digitalt og tilpassa kvarandrevurdering. Endre ledeteksten dersom du skal bruke det til eigenvurdering. Du kan sjølvsagt også bruke det for utfylling for hand. Ta då vekk utfyllingsboksane før du skriv det ut.

Klikk på bildet, så opnar Word-fila seg og du kan lagre den på eigen maskin:

På neste side får du i oppgåve å gjennomføre eit opplegg for eigenvurdering eller kvarandrevurdering av elevane dine. Bruk gjerne desse skjemaene i dette opplegget!