Den profesjonsfaglege digitalt kompetente lærar må i tillegg til å kunne vurdere og integrera læremiddel og læringsressursar i aktuelle fag og undervisning, også kunne designe og utvikle eigne læremiddel. Koding er difor ein viktig kunnskap og ferdigheit for både planlegging og gjennomføring av eiga undervisning, men og som innhald og arbeidsmetode for elevar.

Rammeverket for profesjonsfagleg digital kompetanse påpeikar under Pedagogikk og fagdidaktikk følgjande faktorar som er knytt til koding:

kan anvende sin fagkunnskap og kunnskap om læreprosesser for å designe og utvikle egne digitale læremidler og læringsforløp
kan fremme den enkelte elevs læringslyst, motivasjon og tro på egne muligheter for å lære, skape, samhandle og dele i digitale omgivelser

I denne modulen skal me sjå på enkel koding. Du skal lære noko om korleis ein byggjer opp og strukturerar kode, og korleis eit program eller app er organisert og vert laga. Me skal og sjå på ressursar som kan nyttast i undervisninga.

[pfdk-maal]

Læringsutbytte

Kjenne til ulike struktureringsformer i koding
Kjenne til ulike undervisningsressursar for koding
Kan bruke blokkbasert koding i undervisning
Kan lage enkle program i blokkbaserte språk

Under finn du relevant litteratur og ressursar som kan vere nyttig å sjå på når du arbeider med modulen.

[pfdk-les]

Litteratur og ressursar

Papert, S. (1980). Mindstorms: Children, computers and powerful ideas. Henta frå :

https://docs.google.com/viewer?a=v&pid=sites&srcid=ZGVmYXVsdGRvbWFpbnxha2hsYWdoZWF8Z3g6NzgyOWYxNWNjMjE5ZjVh

Senter for IKT i utdanninga (2016). Programmering valgfag - introduksjon til Scratch (MOOC). Henta frå:

https://kurs.udir.no/courses/22

Senter for IKT i utdanninga (2016). Programmering valgfag for lærere, Henta frå:

https://kurs.udir.no/courses/5

Skeie, J. H. (2016). Scratch fra scratch: Enkel programmering for nybegynnere. Oslo: Kodegenet

Martinez S. L., & Stager G. (2013). Invent To Learn. Making, Tinkering, and Engineering in the Classroom

https://code.org/

https://kidsakoder.no/

http://kurs.udir.no/

http://csunplugged.org/

[pfdk-tid]

Tidsbruk

I denne modulen er det lagt opp nokre øvingsoppgåver:

Det er eit par enkle oppgåver som går på strukturering
Det er og lagt opp til å prøve ut enkle programmeringsspråk som Scratch
Mot slutten er det ei større oppgåve der du skal prøve ut eit sjølvvalt undervisningsopplegg i klassen din
Som alltid er det og viktig å reflektere rundt bruk og læringsutbytte

Det er forventa at du brukar 40 timar på denne modulen.